نغم و حروف من نور
ومحبة وهناء وسرورللقلوب الطيبة
اللي مليانة حب
واللي تحس بكل الناس
وماتعرفش طعم اليأس
ولما تصحى تقول يارب
وللأيادي اللي بتزرع الخير
وتمتد عشان تساعد الفقير
واللي بتصنع العجب
وللخطاوي اللي بتمشي بالسلام
وتهدي للعالم غصن زيتون
وطير حمام
وببسمة حلوة تقول للكل
بلاش خصام
وبلاش الحرب
الأرض واسعة وخير كثير
بس يكون عندنا ضمير
ونهتدي بهدي البشير
و نقول يارب
وللي بيحمي الوطن
واللي بيحافظ على الامن
واللي بيحطاط للزمن
ولكل جرح عنده طب
وللي بيحارب الجهل
ويزرع في أطفالنا الأمل
ويقول حي ع العمل
وسلاحه أقلام وكتب
وللي بيقول كلمة حق
ولا قتل ولا نهب ولا سرق
وكل كسبه م العرق
ويحمل بقلبه لوطنه حب
نقول لهم مليون سلام
انتم الناس الكرام
اللي بتسيروا للأمام
لكم تحية من القلب
الهادي خليفة الصويعي /ليبيا
تعليقات
إرسال تعليق