بسم الله الرحمن الرحيم.
مواقع الأخبار
صباح الخير لمواقع الأخبار
صحيت مصر علي خبر وإنتشرت الأخبار
عروسة داخت من عريسها وقالوا ضربها بالنار
والكل يتهافت ويشير وينفخ في النار
ومصر كلها إتكلمت بفضل مواقع الأخبار
راحوا للعروسة في بيتها يوم صبحيتها. ومصر كلها داقت الحمام وعاينت العروسة وخلاص معتش للبيوت أسرار
كل يوم حكايات حكايات فتحية إطلقت وسعاد جالها إنهيار
وفتحي ضربها بالسكينة وفص مالح وطار.
منها لله كل مواقع الأخبار
في الهايف بس متصدرة ليل نهار
خرجوني عن شعوري بعد مااخدت القرار
أريح عقلي شوية وابعد عن النشر. الموت والفراق. خلص علي الأفكار
مواقع الأخبار
ليه مابتكتبوا عن هموم المصريين ولا البعدا مابتشوفوا الليل من النهار
ليه مابتكتبوا عن مصاريف الثانوية العامة يارب كورونا تاخد الكبار
ولا عن فواتير الحياة ال جننت الناس وخلت عيشتهم مرار.
ولا عن سعار التجار والأسعار ال ولعوا فيها النار.
يارب خد من قلبي. أصحي الصبح ألقاها أختفت مواقع الأخبار
أو إتسجنوا كلهم بسبب ال بينشروه عشان يضيع عقل الصغار
والقائمين عليها يجي لهم صرع زي مابيسرعونا كل طلة نهار
دي الجرايد الصفرا أهون علي الأقل مابتدخل كل دار
إنما دوووول. يبثوا سموم بكل شفافية وإصرار.
اللهم.👏 إرحم كل عزيز علينا رحل وترك مكانه خاليا. اللهم 👏نسألك لهم السكينة والإطمئنان.
اللهم👏 يسر لنا كل أحوالنا. اللهم 👏نسألك صيبا نافعا ودفء لمن لا دفء له.
✍️ دعاء حجر.
تعليقات
إرسال تعليق