حب تاني بقلم المبدع فايز أهل

 حب تاني 

حب تاني! هو أنا نسيت
إلي كان؛ من وجد الشوق والأنين..
..
غاب حبيبي الأولاني؛ كنت
راضي بالفراق؛ وكنت راضي بالحنين..
..
راح وغاب ومسألش فيّ ؛ قلت
مصيره يعود تاني؛ حتى لو غاب السنين..
..
وصبري طال ولسة صابر؛ ومرت
أيامي وسنين ؛ والقلب على بعده حزين..
..
ويوم وراء يوم قلبه نسيني؛ وراح
بدلني بحب تاني؛ قلت بس أصبر لمين..
..
قلبه باعني وخان عهودي
؛ كان حبيبي؛ وكنت على عهده أمين..
..
مرت الأيام في بُعده؛ ويوم صادفت
حب تاني ؛ رحت رافض ومش ح ألين..
..
خلاص يا حب روح بعيد؛ مبقاش
قلبي عاوز يحب ؛ الحب كله ضني وأنين..
..
مش ح يعيد إلي فات؛ جرحه لسة
مفتوح ودامي؛ جرح الحب ووجع السنين..
..
قلبي راح قافل بيبانه ؛ وإكتفي
بحُزنه إلي صابه؛ الله؛ الله يعين العاشقين..

فايز أهل